Plantun de Prouvènço

Pèr coumpara dos planto d'encò nostre

Valerianella eriocarpa & Crithmum maritimum

Douceto(-di-fru-pelous)

Valerianella eriocarpa

Caprifoliaceae Valerianaceae

Àutri noum : Grasseto, Greisseto, Pan-froument, Pan-dóu-bon-Diéu.

Noms en français : Doucette à fruits velus, Mâche à fruits velus.

Descripcioun :
La douceto-di-fru-pelous es uno planto verd-clar qu'a de fueio pulèu entiero o un pau dentado amé de flour roso. Li ramo que porton li fru s'espessisson de la baso vers lou soumet. Se recounèis subretout à si fru pelous acaba pèr uno pichoto courouno valènt à dire un "calice" mens (o quàsi) tant large que lou fru.

Usanço :
Dèu agué li mémi prouprieta que la douceto. Èi peréu uno bono ensalado champanello.

Port : Erbo
Taio : 5 à 30 cm
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Valerianella
Famiho : Caprifoliaceae
Famiho classico : Valerianaceae

Ordre : Dipsacales

Coulour de la flour : Roso
Petalo : 5
Ø (o loungour) flour : 1 mm
Flourido : Printèms

Sòu : Ca
Autour basso e auto : 0 à 1200 m
Aparado : Noun
Remarco : Ensalado champanello
Abriéu à jun

Liò : Tepiero seco - Champ - Sablo - Roucas
Estànci : Termoumediterran à Subremediterran
Couroulougi : Estenoumediterrano
Ref. sc. : Valerianella eriocarpa Desv., 1809

Fenoui-de-mar

Crithmum maritimum

Apiaceae Umbelliferae

Àutri noum : Sausseiroun, Bacilo.

Noms en français : Criste-marine, Fenouil marin.

Descripcioun :
Lou fenoui-de-mar es uno planto poupouso coumuno que trachis sus li roucas o dins la sablo en ribo de mar. Se recounèis eisa à si fueio penado.

Usanço :
Es uno planto manjadisso que gagnarié à èstre couneigudo ; lou goust ramento aquéu de la pastenargo, mai pu cousènt. Ero manjado au nostre, crus o cuecho coume de liume. Peréu es uno bono planto, vertuouso contro lou mau-de-terro (richo en vitamino C), depurativo, estimulanto, ajudo à pissa e à digeri. Bono pèr la pèu, n'en bouton dins de crèmo e proun de poutingo à l'ouro d'aro.